Të premten, vendi ynë do të përfshihet nga kushte atmosferike kryesisht të qëndrueshme. Parashikohen kthjellime të shumta, të ndërthurura me vranësira të lehta kalimtare.
Në orët e mëngjesit dhe të mbrëmjes, mjegulla apo mjegullina do të jenë të pranishme, kryesisht në zonat luginore, duke ulur dukshmërinë dhe duke kërkuar kujdes në rrugët e këtyre zonave.
Era do të fryjë nga drejtimi i veriut me shpejtësi mesatare rreth 5 m/sek, duke sjellë një lehtësi freskie. Deti do të ketë valëzim të qetë, me forcë 1 ballë, duke e bërë të përshtatshëm për aktivitete të lehta detare.
Temperaturat maksimale pritet të arrijnë deri në 18 gradë celcius, ndërsa ato minimale në -1 gradë celcius.
