Prokuroria e Posaçme ka kërkuar rreth 250 vite burg për 33 të pandehur që akuzohen për një skemë të mirëfilltë kriminale, që dërgonte shqiptarë drejt europës e më pas Amerikës e Kanadasë. Ata akuzohen për grup kriminal, kalim të paligjshëm kufiri e falsifikim dokumentash.
TË PANDEHUR:
- BASHKIM SULAJ
- NJAZI ADEMAJ
- FITIM RAMA
- XHELAL KRASNIQI
- RREZART DOMI
- YLLI BRAHIMAJ
- OSMAN LUCA
- ARTUR MICI
- EMILJAN MARASHI
- ADRIAN MEMA
- JUGERT GASHI
- MAKSIM DOMI
- ARSEN CAKA
- GRIDI ELEZI
- BEHAR REXHA
- DEILA QAMA
- ARNOLD SHAHU
- FATMIR STANKOVA
- ARBEN RUSHITI
- YLLI ÇAUSHAJ
- ERIOLA SPAHO
- MURAT GJUNIKU
- BAJRAM XHAJA
- BARDHYL IMERI
- ROLAND ISLAMAJ
- AMARILDO LUCA
- ROBERT GJIKA
- ARTID SHTYLLA
- LEONARD LAMA
- XHELIL ALLA
- BESNIK LUMAJ
- DRITAN CENA
- ALTIN NELI
- REDI SALAJ
- BEHAR NUHIALLARI
- AZEM CANAJ
- PERLAT CANAJ
Ata akuzohen për vepra penale që kanë të bëjnë kalim të paligjshëm të kufijve, e kryer në formën e bashkëpunimit të veçantë atë të grupit të strukturuar kriminal dhe flasifikim dokumentash.
Nëse 33 të pandehurit shpallen fajtor do të përfitojnë nga gjykimi i shkurtuar duke iu ulur 1/3 e dënimit.
Një prej avokatëve që arriti që të lexonte konkluzionet përfundimtare në këtë seancë pasi prokurorja Elida Kaçkini dha pretencën, tha se “SPAK ka arrestuar disa hallexhinj dhe po kërrkon ti burgosë me 10 vite”.
Dy grupet e strukturuara kriminale, ekzistenca e të cilëve është tashmë e provuar nga hetimi thotë SPAK, përgjatë viteve 2022 dhe 2024, kanë organizuar dhe ndihmuar kalimin e paligjshëm të kufijve detarë, ajrorë dhe tokësorë, kyesisht të shtetasve shqiptarë, drejt Mbretërisë së Bashkuar, Shteteve të Bashkuara dhe Kanadasë.
Në këtë skemë përfshiheshin edhe dy agjenci udhëtimi shqiptare, “Domi Travel” dhe “Boris Travel”, të cilat luanin rol kyç në transportimin dhe logjistikën e aktivitetit të paligjshëm. Hetimi për të cilën dhanë indicia kryesisht autoritetet spanjolle, zbuloi se shqiptarët largoheshin nga Shqipëria me pasaportat e tyre origjinale brenda zonës “Schengen” në BE, ndërsa dokumentet false për të shkuar drejt Britanisë së Madhe dhe Irlandës, u dërgoheshin me postë në hotelet ku qëndronin në Spanjë.
