Një ngjarje kriminale është parandaluar në Durrës, ku policia ka arrestuar tre persona të cilaët kërcënuan me armë zjarri se do e vrisnin një 44-vjeçar.
Në prangat e policisë ranë shtetasit Bajram Roçi dhe Bekim Çera nga 30 vjeç si dhe Ylli Murati, 40 vjeç, të gjitha banues në Tiranë.
Në momentin e arrestimit, autoritet e Durrësit ushtruan kontroll në makinën e cila po drejtohej nga Ylli Murati ku gjetën dhe sekuestruan 3 armë zjarri, përfshirë një kallashnikov dhe pistoleta, municion luftarak, si dhe 3 automjete, njëri prej të cilëve i blinduar.
Po ashtu, është sekuestruar një radio e lidhur me kanalet e komunikimit të DVP Durrës, e cila ishte në posedim të njërit prej të arrestuarve, i cili kishte precedent kriminal.
“Në Durrës, Policia ka finalizuar operacionin policor të koduar “Intervention”, duke parandaluar një ngjarje kriminale dhe vënë në pranga tre shtetas. Ata janë arrestuar për kanosje me armë zjarri ndaj një 44-vjeçari, për motive të dobëta.
Njëri prej të arrestuarve ka precedent kriminal për vjedhje me armë. Gjatë operacionit janë sekuestruar 3 armë zjarri, përfshirë një kallashnikov dhe pistoleta, municion luftarak, si dhe 3 automjete, njëri prej të cilëve i blinduar. Po ashtu, është sekuestruar një radio e lidhur me kanalet e komunikimit të DVP Durrës, e cila ishte në posedim të njërit prej të arrestuarve, i cili kishte precedent kriminal.
“Konkretisht, në kuadër të operacionit policor të koduar “Intervention”, janë vënë në pranga shtetasit Y. M., 40 vjeç, B. R., 30 vjeç dhe B. C., 30 vjeç, të tre banues në Tiranë, pasi dyshohet se për motive të dobëta, kanë kanosur me armë zjarri, një shtetas 44 vjeç.” thotë policia.
Operacioni ka nisur menjëherë pas njoftimit për kanosjen në rrugën “Pavarësia”, ku shërbimet e Stacionit të Policisë Plazh, në bashkëpunim me Seksionin Operacional dhe Forcën e Posaçme “Shqiponja” të DVP Durrës, kanë ndërhyrë shpejt dhe kanë arrestuar autorët në flagrancë.
“Nga kontrolli në automjetin e blinduar të 40-vjeçarit u gjeten 2 armë zjarri (kallashnikov dhe pistoletë). Më tej, nga kontrolli fizik ndaj këtij shtetasi, u konstatua se mbante dhe 1 radio të lidhur me kanalet e komunikimit të DVP Durrës. Në vijim të operacionit “Intervention”, nga kontrolli në banesën e babait të shtetasit të arrestuar B. R., u gjet 1 armë zjarri pistoletë.”
Të arrestuarit janë Ylli Murati (40 vjeç), Bajram Roçi (30 vjeç) dhe Bekim Çera (30 vjeç), të gjithë banues në Tiranë. Materialet procedurale janë dorëzuar në Prokurorinë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme.”
