Fotografi rrëqethëse shfaqin ushtarin ukrainas i cili kishte mbetur vetëm kocka dhe lëkurë, pasi kaloi muaj të tërë në burgjet e Vladimir Putinit në Rusi.
Ivan Petrovsky, humbi 40 kilogramë gjatë qëndrimit të tij 1 mijë ditor në një burg në Rusi, dhe ishte pjesë e marrëveshjes për shkëmbimin e të burgosurve.
Ai u mbajt në burg nga maji i vitit 2022, derisa ishte duke mbrojtur qytetin e Mariupolit së bashku me shumë bashkëluftëtarë tjerë. Ai ka postuar fotografitë para dhe pas kapjes nga ana e rusëve – duke e treguar qartë brutalitetin rus që e ushtruan mbi të gjatë tre viteve qëndrim në burgun rus.
“Jam në shtëpi. Dallimi është 1,037 ditë në robëri dhe minus 40 kilogramë”, ka shkruar Petrovsky përbri fotografive dhe videove të postuar.
Gruaja e tij Kristina Petrovska dhe dy vajzat kishin pritur me padurim që ai të rikthehet në shtëpi. Në anën tjetër Ukraina akuzon Rusinë për torturimin çnjerëzor që po ia bën ushtarëve ukrainas në burgjet ruse.
