Botërori 2026 po afron dhe Opta ka analizuar forcën e të gjitha grupeve përmes renditjes së saj të kombëtareve.
Sipas Opta Power Rankings, Grupi I cilësohet si më i vështiri i turneut. Në këtë grup bëjnë pjesë Franca, Senegali, Norvegjia dhe Iraku, me një mesatare vlerësimi më të lartë se çdo grup tjetër.
Franca shihet si një nga kombëtaret më të forta në botë, ndërsa Senegali dhe Norvegjia janë gjithashtu mes 25 ekipeve më të mira sipas renditjes së Opta. Kjo e bën Grupin I të vetmin në Botëror me tre skuadra brenda top 25.
Pas tij vjen Grupi K, ku ndodhen Kolumbia dhe Portugalia, dy kombëtare që renditen mes 10 më të mirave. Edhe Grupi D konsiderohet shumë i balancuar, me Turqinë, Australinë, Paraguajin dhe SHBA-në, ku diferencat mes skuadrave janë të vogla.
Nga ana tjetër, Grupi B shihet si më i lehti në letër. Në të bëjnë pjesë Kanadaja, Zvicra, Bosnje-Hercegovina dhe Katari. Edhe Grupi A përmendet mes më pak të fortëve, pasi nuk ka asnjë kombëtare në top 20 të renditjes së Opta.
