Një stuhi e fortë ka përfshirë kryeqytetin mesditen e sotme, duke errësuar qiellin mbi Tiranë dhe duke sjellë reshje të dendura shiu të shoqëruara me erëra të fuqishme. Brenda pak minutash, rrugët kryesore të qytetit u mbushën me mbeturina që fluturojnë ajër nga era e fuqishme duke shkaktuar vështirësi në qarkullimin e automjeteve dhe kalimtarëve.
Shumë qytetarë janë surprizuar nga ndryshimi i menjëhershëm i motit, ndërsa institucionet meteorologjike kanë paralajmëruar që një stuhi e fuqishme po vjen në orët në vijim.
Autoritetet u bëjnë thirrje qytetarëve të shmangin lëvizjet e panevojshme, të qëndrojnë larg pemëve dhe objekteve të pasigurta, si dhe të kenë kujdes gjatë drejtimit të automjeteve.
Situata mbetet në monitorim, ndërkohë që shërbimet emergjente janë në gatishmëri për të ndërhyrë në rast nevoje.
