Athina është përfshirë sërish mbrëmjen e sotme në përplasje dhe tensione mes protestuesve dhe forcave të policisë.
Persona të paidentifikuar kanë sulmuar policinë greke në sheshin Sintagma dhe kanë vënë flakën kazanëve të plehrave. Për të shpërndarë protestuesit, forcat e rendit kanë përdorur gaz lotsjellës.
Përplasje të ngjashme janë shënuar gjithashtu në Othonos dhe Amalias, ku persona të maskuar hodhën koktej molotovi ndaj policisë. Sipas burimeve, deri tani, autoritetet greke kanë kryer 32 arrestime.
Protestat, që nisën disa ditë më parë, janë në lidhje me tragjedinë në Tempi të dy viteve më parë, ku për pasojë të përplasjes së trenave humbën jetën 57 persona.
