Kryetari i “Shqipëria Bëhet”, Adriatik Lapaj, ka reaguar lidhur me shembjen e rrugës Maliq-Lozhan, një investim disa miliona euro i fituar nga kompania kontraktore “Gjikuria ShPK”
Sipas tij, barriera mbrojtëse anësore e rrugës është shkëputur lehtësisht, ndërsa në beton nuk ka asnjë fije hekuri përforcues.
“Shihni si është shkëputur betoni sikur të ishte copë biskote, asnjë fije hekur brenda. Kjo duhet të mbajë dherat, gurët, duhet të na ruajë jetën dhe sigurinë”, u shpreh Lapaj.
Lapaj shtoi se, betoni që mban skarpatet e rrugës duhet të kishte përforcim me hekur, duke e lidhur situatën edhe me punimet në tunelin e Llogarasë.
“Nuk mendoni se ky betoni që mban skarpatet duhet të kishte pak hekur, të paktën pak mo. Kjo na lidhet me atë që thuhej tek tuneli i Llogarasë që thuhet se nuk I kishin vënë hekur as tunelit, se këta janë mësuar vidh, vidh”, tha kreu i “Shqipëria Bëhet”, Adriatik Lapaj.
