Këngëtarja e njohur me origjinë shqiptare, Eleni Foureira, ka folur hapur në një intervistë të fundit, ku ka rrëfyer për mëmësinë, karrierën dhe pikëpamjet e saj për marrëdhëniet.
E ftuar në emisionin radiofonik “Daily who”, Eleni ka habitur teksa deklaroi se nuk është xheloze dhe për më tepër do ta falte edhe tradhtinë e partnerit. Këngëtarja u shpreh se nëse partneri i saj bie në dashuri me dikë tjetër, ajo thjeshtë do ta pranonte edhe pse do të lëndohej.
“Unë nuk jam shumë xheloze. Është gjithashtu energjia e tjetrit. E kupton nëse nuk të jep të drejta. Nuk mund ta mbash dikë me forcë… Nëse partneri im bie në dashuri me dikë tjetër dhe do dikë tjetër dhe jo mua, mund të më lëndojë, por në fund, sepse ti e do, dëshiron që të jenë të lumtur.”, tha ajo.
Këngëtarja ka treguar fillimet e karrierës, teksa rrëfen se trembej nga ajo ç’mund të thuhej për të. Për këtë arsye ajo ka zbuluar se nuk e ka kërkuar kurrë emrin e saj në internet.
“Unë kurrë nuk e kam kërkuar emrin tim. Më trembte kur isha më e re. Kam frikë nga ajo që do të shoh. Në një moment në fillim të karrierës sime, po më prekte aq shumë psikologjikisht, saqë pata edhe një problem shëndetësor. Nuk e përballoja dot, po mendoja se nuk kisha lënduar askënd.”, theksoi ajo.
Ndërkohë, sa i përket mëmësisë, Eleni shfaqi frikën se si djali i saj, Hermes, mund të ndikohet nga komentet që thuhen lart e poshtë për të dhe kërrierën e saj. Madje, thotë se nuk di se si një ditë do t’i tregojë atij për punën që bën.
“Nuk kam menduar se si do t’i shpjegoj Hermesit se çfarë pune bëj. Ai kërcen dhe këndon shumë nga këngët e mia, por nuk e di nëse e kupton që janë të miat. Unë jam nëna e tij. Nuk mund të mos mendoj se ai do të ngacmohet më vonë në shkollë. Ajo që më frikëson më shumë është se ai nuk ndjen se duhet të kalojë as mua, as babanë e tij në diçka.”, deklaroi Foureira.
