Eliminimi nga Carabao Cup ishte thjesht një gabim për Liverpool-in, i cili që atëherë ka mbetur i pamposhtur në të gjitha kompeticionet, përfshirë edhe ndeshjen e fundit kundër Ipswich.
Një fitore 4-1 që konfirmoi të kuqtë në krye të Premier League, pasi konsoliduan pozicionin e tyre në krye të renditjes së Champions League pas suksesit ndaj Lille në Anfield.
Trajneri i Liverpool, Arne Slot, tha për BBC:
“Ne krijuam më shumë raste kundër Ipswich dhe shënuam më shumë gola. E vetmja gjë për të cilën nuk jam i lumtur është që pësuam një gol nga një goditje standarde. Lojtarët janë shumë të aftë, por ne duhet t’i mbajmë të freskët”.
Për zotësinë që skuadra e tij ka treguar që nga fillimi i sezonit:
“Si trajner nuk mendoj se ëndërrohet shumë. Unë kurrë nuk mendoj për pikët në kampionat kur arrij në një klub të ri. Mendoj se si mund t’i bëj këta lojtarë të luajnë stilin që dua. Dhe ata e kanë bërë këtë nga fillimi.
“Është kënaqësi të shikosh lojën e kësaj skuadre. Shumë tifozë preferojnë të shohin gola dhe asiste, por gjithashtu më pëlqen të shoh punën që bëjmë në fushë në çdo ndeshje.”
Për garën për titull:
“Ne jemi të fokusuar kryesisht te vetja. Ne duhej ta fitonim ndeshjen kundër Ipswich sepse kjo është ajo që pritet nga Liverpool. Është vërtet e kënaqshme të shohësh që morëm një fitore të rehatshme”.
Për ndeshjen e së shtunës së ardhshme kundër Bournemouth: “Ata janë një kënaqësi për t’u parë, ashtu si ne. Do të jetë një ndeshje shumë interesante”.
