Në rubrikën “Muzikë kur dëgjoj” ishte e ftuar këngëtarja e njohur Aurela Gaçe, e cila u surprizua me disa mesazhe nga njerëzit e saj më të dashur
E motra e saj, Blerta, e cila jeton në Shtetet e Bashkuara të Amerikës, e surprizoi me një mesazh dhe rrëfim tejet të veçantë.
“E kam pak të vështirë që të shpreh të gjithë çfarë ndjej, ti e di që ne si familje e kemi problem ti biem shkurt ase na pëlqen të flasim içik. Po të drejtohem fillimisht si artiste, më ka habitur gjithmonë thjeshtësia jote, ke qenë gjithmonë me këmbë në tokë. Ke ditur t’i përballosh sfidat dhe suksesin e madh.
Është një nga cilësitë e tua të cilat unë t’i admiroj më shumë. Tani po të drejtohem si motra ime e madhe. Nuk ka pasur motër të madhe më të fiksuar me motrën e vogël sesa ti. Më ke vënë emrin para se të lindja, u thoje njerëzve do më lindi mami Blertën. Që vogël, më rregulloje më vishje, më shtyje të kërceja. Kur u rrita më merrje me vete në studio e koncerte. Po e mbyll me një histori, detajet e së cilës ti nk i di.
Kur u largova nga familja 15 vjeçe për në Amerikë, ti e di që stopi im i parë ka qenë Budapest. U mora në telefon, kur flas me ty në telefon, u preva se dëgjova që ti kishe qarë. Ti nuk e di por unë atë natë kam fjetur me rrobat që u nisa nga Tiranë, Nuk e dija kur do ju shihja juve dhe ty. Nuk e konceptoja dot jetën time pa ty. Lidhja jonë është e pathyeshme, të dua pafund”-ishte mesazhi i motrës së Aurelës.
