Klodian Lekoçaj, alias Klod Cara së fundi ka “shtuar” veprimtarinë e tij kriminale brenda burgjeve të greqisë pasi së fundi ka nënshkuare një deklaratë ku ka marrë përsipër porositjen e vrasjes së 46-vjeçarit Dhimitër Meçi, brenda burgut të Malandrinos.
I cili u plagos me thikë në 29 janar nga një i burgosur grek. Në deklaratën me shkrim, Lekocaj shkruan:
“Kërkoj të merrem në pyetje për sulmin ndaj Dhimo Mecit në 29/01/2026 në Malandrino. Unë e dhashë urdhrin për sulmin. Nuk dua të përzihet asnjë që nuk ka faj. Mund ta vërtetoj vetëm nëse për ndonjë arsye nuk mund të më ftoni”.
Ndërkohë nga policia janë kryer operacione në burgun ku ndodhet Cara dhe përmes tyre ka zbuluar se ai qëndreonte pas një rrejti të organizuar të fudtjes së drogës në qeli. Nga hetimi rezulton se Klodian Lekocaj, duke vepruar si organizator dhe drejtues i aktiviteteve të organizatës kriminale, ishte përgjegjës për gjetjen e furnizuesve, organizimin e transportit, importimit dhe trafikimit të mëtejshëm të drogës brenda Qendrës së Paraburgimit, si dhe menaxhimin e fitimeve nga blerja dhe shitja e drogës.
Kujtojmë se Dhimitër Meci mbeti i plagosur me thikë në 29 Janar. 45 vjeçari nga fshati Labovë e Kryqit në Gjirokastër u arrestua nga autoritetet greke rreth një muaj më parë, i dyshuar si vrasës me pagesë.
Si e organizonte Klodian Lekoçaj aktivitetin kriminal në burgje?
49-vjeçari Lekocaj dhe tre të tjerë të moshës 27, 23 dhe 20 vjeç, nga të cilët njëri tashmë është i burgosur në Qendrën e Paraburgimit, u arrestuan ndërsa dosja e ngritur kundër tyre përfshin edhe një person tjetër.
Lekocaj vepronte si organizator i gjithë skemës kriminale ndërsa u ka caktuar të tjerëve rolet e tyre. I burgosuri 27-vjeçar vepronte si bashkëpunëtor i drejtpërdrejtë i 49-vjeçarit, ndërsa ishte përgjegjës për gjetjen e klientëve, marrjen e drogës së importuar, ruajtjen e saj, si dhe trafikimin e mëtejshëm të drogës brenda Institucionit të Paraburgimit për llogari të organizatës kriminale, raportojnë mediat greke.
Ndërkohë e përfshirë ishte edhe një 23-vjeçare e cila ishte përgjegjëse për marrjen, ruajtjen e përkohshme dhe riformulimin e drogës, si dhe transportimin dhe importimin e saj në Qendrën e Paraburgimit, si edhe merrte një pjesë të fuitimeve nga trafikimi i drogës. Gjatë operacionit ajho u kap me pako të fshehura me kujdes në trupin e saj dhe në emër të anëtarëve të tjerë të organizatës kriminale, që përmbanin kokainë me peshë bruto 33 gramë, heroinë me peshë bruto 21 gramë, metamfetaminë kristalore me peshë bruto 13 gramë, kanabis të përpunuar (çokollatë) me peshë bruto 11 gramë dhe kanabis të papërpunuar me peshë bruto 66 gramë, me qëllim importimin e tyre në Institucionin e Paraburgimit.
Së fundmi, 20-vjeçari ndërmerrte herë pas here transportimin e sigurt të drogës në Qendrën e Paraburgimit.
