Reperi i njohur shqiptar, Noizy, ka publikuar albumin e tij më të ri të titulluar “Icon”, në “Spotify”, një projekt muzikor i shumëpritur nga fansat, që sjell një kombinim të stileve moderne me bashkëpunime të fuqishme nga emra të njohur të skenës shqiptare.
Në albumin “Icon” marrin pjesë artistë të njohur si Rozana Radi, Young Zerka, Ylli Limani, Varrosi, Kida dhe Shadow, duke i dhënë projektit një larmi tingujsh dhe zhanresh.
Disa nga këngët që janë pjesë e albumit janë publikuar dhe në YouTube me videoklipe, duke numëruar miliona shikime. Siç duket fansat e reperit do të kenë çfarë të dëgjojnë verës.
