Këngëtari shqiptar nga Maqedonia e Veriut, Shpat Kasapi, ka ndërruar jetë në moshën 40-vjeçare.
Sipas mediave, ai ka pësuar arrest kardiak gjatë një vizite në Itali me ish-bashkëshorten dhe djalin e tij të vogël, për një kontroll mjekësor për këtë të fundit.
Lajmi ka tronditur publikun dhe kolegët e tij. Mes reagimeve të shumta, ka shprehur ngushëllimet edhe kryetari i Partisë Demokratike, Sali Berisha, i cili në një postim në rrjetet sociale shkruan: “Një yll u shua, por la plot dritë! Miq, dielli perëndoi përgjithmonë për Shpat Kasapin, njërin nga yjet më të shndritshëm të këngës, muzikës pop të kombit. Ai nga skena e koncertit fluturoi në qiell, por la mbrama dritë të pashuar që do ndriçojë gjithmonë. Ngushëllimet më të ndjera familjes, të afërmve, miqve dhe fansave të tij të panumërt. Shpirti dritë. Amin.”
Ngushëllimet i shprehin gjithë fansat dhe komuniteti i muzikës shqiptare për humbjen e një prej ikonave të saj.
