India ka njoftuar nisjen e një operacioni ushtarak kundër Pakistanit, duke sulmuar “infrastrukturën terroriste” në Pakistan dhe Kashmir, një zhvillim që ka përshkallëzuar ndjeshëm tensionet mes dy vendeve, sipas raportimeve të CNN.
“Ky veprim vjen pas sulmit terrorist në Pahalgam, ku humbën jetën 25 shtetas indianë dhe një qytetar nepalez,” thuhet në deklaratën e Ministrisë indiane të Mbrojtjes, duke iu referuar një sulmi që ndodhi muajin e kaluar në Kashmir.
Ministria thekson se operacionet kanë qenë të përqendruara, të matur dhe jo provokuese, duke nënvizuar se nuk është goditur asnjë objekt ushtarak i Pakistanit. India ka demonstruar një përmbajtje të madhe në zgjedhjen e objektivave dhe mënyrës së ekzekutimit të sulmeve.
Raportohet se India ka shënjestruar nëntë zona dhe se shpërthime të fuqishme janë dëgjuar në Kashmirin e administruar nga Pakistani. Ushtria pakistaneze ka konfirmuar se tri lokacione janë goditur me raketa.
Zëdhënësi i ushtrisë pakistaneze, Ahmed Sharif Chaudhry, ka deklaruar se “Pakistani do të përgjigjet në kohën dhe vendin që do të zgjedhë vetë.” Ai ka shtuar se “ky provokim i neveritshëm nuk do të mbetet pa përgjigje.”
India dhe Pakistani janë dy shtete bërthamore dhe tensionet midis tyre janë të larta.
