Dhe pak javë na ndajnë nga edicioni i ri i Big Brother Vip Albania. E teksa thuhet se ky realityshow do të nis në dhjetor, poshtë e lartë po qarkullojnë edhe emrat që mund të jenë pjesë e këtij edicioni.
“Panorama” ka publikuar edhe disa nga emrat e vajza që mund të jenë pjesë e këtij formati. Këngëtarja Albërie Hadërgjonaj thuhet se do të jetë pjesë e këtij formati. Edhe pse nuk ka një konfirmim nga këngëtarja, ajo prej disa ditësh ndodhet në Tiranë ku dhe ka qenë prezente në shumë intervista.
Po ashtu pjesë e BBV pritet të jetë dhe Alba Pollozhani, ish-konkurrente e Për’puthen, e cila shpesh është bërë kryefjalë në media nga deklaratat e saj.
Renee Reffo, vajza e aktores Julia Ilirjani, e cila po ashtu ka qenë pjesë e Big Brother, pritet të bëhet pjesë e këtij edicioni.
Gjithashtu artistja e re, Tiri Gjoci pritet që të bëhet pjesë e këtij realityshow. Ndërsa nga djemtë, thuhet që do të jetë Drilon Hoxha dhe poeti Albi Lushi, por ende nuk ka asnjë konfirmim zyrtar.
