Manuel Neuer mund të rikthehet te kombëtarja e Gjermanisë për Botërorin 2026, pavarësisht se më parë kishte njoftuar tërheqjen nga futbolli ndërkombëtar.
Sipas Florian Plettenberg, trajneri Julian Nagelsmann e ka përfshirë portierin 40-vjeçar të Bayern Munich në listën paraprake me 55 lojtarë për turneun e madh.
Neuer është një nga pesë portierët e përfshirë në listën e zgjeruar, nga e cila Nagelsmann do të bëjë më pas përzgjedhjen përfundimtare.
Kjo do të thotë se portieri legjendar ka ende shanse reale për të udhëtuar drejt Botërorit, të paktën si alternativë në repartin e portës.
Aktualisht, stafi i kombëtares gjermane po zhvillon bisedime me Neuer, me shpresën për ta bindur që të rikthehet dhe të jetë pjesë e skuadrës në turne.
