Në këtë fazë të jetës, financat personale duhet të jenë më të organizuara dhe më të qëndrueshme, por shpesh shumë njerëz vazhdojnë me zakone që i pengojnë të krijojnë stabilitet dhe siguri ekonomike afatgjatë.
Gabime të tilla, edhe pse duken të vogla në fillim, me kalimin e kohës mund të kenë ndikim të madh në të ardhmen financiare.
Nëse doni që dekada e ardhshme t’ju gjejë me llogari bankare të plotë dhe jo me borxhe, ndaloni menjëherë këto 5 veprime:
1. Blerja e makinës që nuk e përballoni dot
Rregulli i artë i financave është: Nëse nuk mund ta blini makinën dy herë me “cash”, atëherë nuk e përballoni dot. Shumë burra marrin kredi ose japin gjithë kursimet për një makinë luksoze, vetëm për të bërë figurë në lagje apo në kafe.
2. Sindroma e “Bosit” në tavolinë
Keni dëshirë të paguani gjithmonë për të tjerët? Të qerasni gjithë tavolinën kur dilni? Kjo mund t’ju bëjë të dukeni “djalë i mirë” për momentin, por ju lë të varfër në afatgjatë. Miqtë e vërtetë e respektojnë buxhetin tuaj. Mësoni të ndani llogarinë ose të paguani vetëm për vete. Paratë që shpenzoni për të bërë përshtypje, janë para të djegura.
3. Rritja e shpenzimeve me rritjen e rrogës
Sapo merrni një rritje rroge ose fitoni një bonus, menjëherë blini rroba më të shtrenjta, telefonin e fundit apo shkoni në pushime luksoze. Ky quhet “inflacion i stilit të jetesës”. Sekreti i të pasurve është ky: Kur rriten të ardhurat, ata mbajnë të njëjtin stil jetese dhe diferencën e investojnë.
4. Mbështetja në vetëm një burim të ardhurash
Nëse e vetmja mënyrë se si fusni para në xhep është rroga e fundmuajit, jeni vetëm një hap larg falimentimit (një shkurtim vendi pune, një sëmundje, etj.). Në të 30-at tuaja, duhet të filloni të mendoni për një “rrugë të dytë” një punë e vogël private, qira, investime në aksione ose një biznes online. Asnjë milioner nuk është bërë i tillë vetëm me një rrogë.
5. Mungesa e fondit të emergjencës
Nëse makina ju prishet, keni një problem shëndetësor, humbni punën, këto të papriturat e jetës për të cilat duhet që të keni një fond emergjence. Nëse për çdo problem të vogël ju duhet të merrni borxh te miqtë, ju nuk e keni kontroll mbi jetën tuaj. Synimi i parë është që të kurseni aq para sa të mbuloni 3-6 muaj shpenzime jetese.
