Vetëm 22 vjeç, Billie Eilish grumbulloi 11.5 milionë dollarë për të ndihmuar të uriturit. Duke qëndruar përballë një salle plot miliarderë, ajo tha diçka që i bëri të gjithë të reflektonin dhe të ndryshonin perspektivë.
Gjatë ceremonisë së ndarjes së çmimeve Wall Street Journal Innovator Awards, mbajtur në Muzeun e Artit Modern (MoMA) në Nju Jork, këngëtarja e njohur Billie Eilish i është drejtuar me tone të forta miliarderëve të pranishëm në sallë – mes tyre Mark Zuckerberg me bashkëshorten e tij Priscilla Chan, Hailey Bieber, Spike Lee, George Lucas dhe Ben Stiller.
“Ju dua, por disa prej jush kanë shumë më shumë para se unë. Nëse jeni miliarderë, pse jeni ende miliarderë? Pa urrejtje, por ej, jepni pak nga ato para, të vegjëlit e mi,” – tha Eilish nga skena, duke shkaktuar momente të sikletshme në sallë.
Menjëherë pas kësaj, këngëtarja dhe kantautorja njoftoi se do të dhurojë 11.5 milionë dollarë – pjesë e të ardhurave nga turneu i saj Hit Me Hard and Soft – për iniciativa që mbështesin drejtësinë klimatike, barazinë ushqimore dhe reduktimin e ndotjes.
Nga skena, ajo shtoi:
“Jemi në një moment ku bota është në gjendje të rëndë dhe e zymtë. Njerëzit kanë nevojë për më shumë empati dhe ndihmë se kurrë më parë, sidomos në vendin tonë. Nëse ke para, do të ishte e mrekullueshme t’i përdorje për të mirë – ndoshta t’ia japësh dikujt që ka nevojë.”
