Historitë e dhimbshme ku nënat sapo lindin foshnjat, i vrasin menjëherë si për të mbuluar ‘turpin’ ose për t’iu shmangur përgjegjësive, janë bërë shumë të shpeshta në botë. Do thonim se kjo e dyta zë vend më tepër në këto histori të trishta.
Dy ditë më parë në Padova, Melissa Russo, 29 vjeç, lindi vajzën e saj në banjën e klubit të natës ku punonte dhe e mbyti atë në lavamanin e tualetit.
Po ashtu tri ditë më parë, në Angli, Jia Xin Teo, 22-vjeç, lindi e vetme në shtëpi dhe për të fshehur trupin e të porsalindurës e vuri në një luti drithërash dhe e hodhi në koshin e plehrave.
Chiara Petrolini, 22 vjeç, nga Parma, varrosi të gjallë djalin e saj të porsalindur në kopshtin e shtëpisë së saj një muaj më parë. I njëjti kopsht në të cilin u gjet trupi i pajetë i një të porsalinduri, të varrosur një vit më parë nga e reja Melissa, Jia dhe Chiara. Për fat të keq, nuk janë të vetmet gra që bëjnë gjeste të ngjashme ndaj fëmijëve të tyre të porsalindur.
As një vit më parë, në Milano, Alessia Pifferi e la vajzën e saj 18 muajshe vetëm në shtëpi për 6 ditë, për të shkuar me pushime me burrin që po njihej.
Të gjitha këto raste të bëjnë të pyesësh se çfarë po shkon keq në shoqërinë e sotme. Çfarë e shtyn një grua të kryejë një mizori të tillë. Ka kaq shumë pikëpyetje në një nga anët më të errëta të njerëzimit, për të cilat, ndoshta, nuk do të gjejmë kurrë një përgjigje.
