Policia ka arrestuar një 28-vjeçar në Krujë të shpallur më herët në kërkim për kultivim droge.
Burime zyrtare bënë të ditur se në pranga ka rënë shtetasi me inicialet S. X., banues në Tiranë.
Ai ishte dënuar nga Gjykata me 4 vjet burgim, për veprën penale “Kultivimi i bimëve narkotike”, kryer në vitin 2022.
“Si rezultat i kontrolleve të mbështetura tek informacione të siguruara në rrugë operative, shërbimet e Komisariatit të Policisë Krujë, në kuadër të operacionit të koduar “Catch”, lokalizuan, kapën dhe vunë në pranga shtetasin e shpallur në kërkim, S. X., 28 vjeç, banues në Tiranë.” njofton policia.
