Manchester City ka zhvilluar ndeshjen e fundit në shtëpi mes emocioneve të ndërthurura nga lamtumira e Kevin De Bruyne përpara publikut të tij për shumë vite, eurogolit të Marmoush që do të futet kandidat për “Puskas”, por edhe rikthimit në fushë pas 8 muajsh nga Rodri që ishte dëmtuar në shtator. Sakaq, rezultati final shënoi 3-1 për djemtë e Guardiolas ndaj Bournemouth.
Shënuan Marmoush, Bernardo Silva dhe në fund Rico Williams, teksa për miqtë Daniel Jebbison. Ndeshja pati edhe dy të kuq pjesën e dytë me Kovacic dhe më pas Lewis Cook nga miqtë.
Me këtë sukses, Manchester City hedh një hap të rëndësishëm në pjesëmarrjen në Champions League sezonin tjetër pasi tashmë është 68 pikë dhe i duhet thjesht një sforco javën e fundit për të siguruar zonën e top 5 duke qenë se do të futen 5 angleze nga renditja e kampionatit.
