Jamal Musiala ka shkaktuar një tjetër moment shqetësues te Bayern Munich, pasi u rrëzua në fushë vetëm katër minuta pasi hyri si zëvendësues në miqësoren ndaj Heidenheim.
Mesfushori 23-vjeçar qëndroi për disa minuta në tokë, por më pas arriti të ngrihej dhe të largohej vetë drejt dhomave të zhveshjes.
Ky është episodi i dytë i ngjashëm për Musialan brenda më pak se një jave, pasi edhe ndaj Leipzig kishte pësuar një tjetër gjendje të ngjashme. Pas rastit të parë, Bayern e kishte lidhur situatën me temperaturat e larta dhe lojtari kishte kryer kontrolle mjekësore përpara ndeshjes së radhës.
Drejtori sportiv Max Eberl konfirmoi se Musiala ishte në dhomat e zhveshjes pas incidentit, ndërsa pritet që vetë lojtari të flasë në ditët në vijim për gjendjen e tij.
