Naim Murseli, i akuzuar për vrasjen e bashkëshortes së tij, Liridona Ademaj, ka deklaruar se është i pafajshëm për akuzat që i janë ngritur. Gjatë seancës gjyqësore që u mbajt në Gjykatën Themelore të Prishtinës, Murseli theksoi se nëse vërtetohet aktakuza, ai vetë do të kërkojë që të dënohet me burgim të përjetshëm.
Të akuzuarit e tjerë, Granit Plava dhe Kushtrim Kokalla, po ashtu u deklaruan të pafajshëm. Plava, për më tepër, zgjodhi të mbrohej në heshtje gjatë seancës.
Ky proces gjyqësor ka nisur ditën e mërkurë dhe lidhet me ngjarjen tragjike të ndodhur më 29 nëntor 2023, ku Liridona Ademaj humbi jetën. Pjesë e këtij hetimi janë edhe Naim Murseli, Granit Plava, Kushtrim Kokalla dhe Tom Dodaj.
