Në Kuvend gjatë muajit dhjetor në 84 ditë kanë munguar vetëm 21 deputetë.
Kështu Kuvendi këtyre deputëve u ka mbajtur lekët nga paga me shumën totale të 8 600 euro.
Në krye të listës me 12 ditë mungesë ëstë deputetja e Partisë Socialiste në qarkun e Fierit Tatjana Piro. Në vend të dytë është Agron Çela, biznesmeni që u zgjodh deputet me LSI-në, dhe më pas u bashkua me Ramën. Atij i janë mbajtur 1100 euro nga paga e dhjetorit.
Në vend të tretë është Monika Kryemadhi, e cila ka munguar 11 ditë. Më pas vjen Agron Shehaj, opozitari që ka themeluar partinë e re, “Mundësia”, dhe ka munguar 10 ditë në Kuvend, duke sakrifikuar 1 mijë euro nga paga e tij. Më pas vjen Dashamir Shehi, Shpëtim Idrizi, Fatmir Mediu, Agron Duka, Vangjel Dule e Lulzim Basha.
Gjithashtu penalizimit nuk i ka shpëtuar as Sali Berisha, i cili edhe pse i sapokthyer nga arresti i shtëpisë, ka munguar në 3 aktivitete, dhe i janë hequr nga paga 300 euro.
