Besiktas dhe Athletic Bilbao po përballen mes tyre në një sfidë shumë interesante në Stamboll, e vlefshme për raundin e shtatë në Europa League.
Turqit kërkojnë me patjetër fitoren pasi duan të sigurojnë biletën për në play-off, ndërsa spanjollët janë më të qetë pasi e kanë të sigurt kualifikimin duke u renditur në vend të dytë me 16 pikë, njësoj sa Lazio e vendit të parë.
Besiktas gjeti shumë shpejt golin, pas një kundërsulmi të shpejtë dhe një kombinimi të bukur mes Ernest Muçit, Rafa Silva dhe Milot Rashicës, ylli dardan dërgoi topin në rrjetë.
Vlen për t’u përmendur që kjo është ndeshja e parë për Ole Gunnar Solskjaer në krye të Besiktas, norvgjezi u zyrtarizua pak ditë më parë. SHIKO GOLIN E RASHICES
