Me rastin e muajit të shenjtë të Ramazanit, xhamitë në Dubai kanë marrë një pamje të re spektakolare. Kjo iniciativë është pjesë e projektit ‘Anwaar Dubai’, një fushatë që ka transformuar katër xhamitë kryesore në monumente të lënë pa frymë.
Mahra Al-Youha, një nga organizatorët e kësaj nisme thotë për agjenicinë e lajmeve Reuters se zbukurimi i fasadave të xhamive është pjesë e një nisme më të gjerë që synon të nxjerrë në pah anën më të bukur të rrugëve, ndërtesave dhe monumenteve të Dubait gjatë muajit të shenjtë.
Qëllimi i organizatorëve është që falë kombinimit të dritave dhe artit të pasqyrohet tradita islame e vendit dhe, në të njëjtën kohë, shpirti i tij modern.
“Vitin e kaluar filluam me një xhami. Këtë vit në 2025, ne përfunduam projektin me katër xhami kryesore në Dubai, dhe njerëzit janë shumë të kënaqur me atë që kemi bërë. Ata po angazhohen me ne përmes rrjeteve sociale dhe po na etiketojnë kudo”, u shpreh organizatorja e fushatës Mahira Al-Youha.
Adhuruesit dhe vizitorët në Dubai shprehën entuziazmin e tyre për këtë nismë.
“Sa i përket atmosferës së Ramazanit dhe atë që është bërë këtu më duhet të them se është mjaft bukur. Shpresoj t’i shoh të gjitha xhamitë e Dubait kështu dhe me të njëjtat dekorime. Kemi ardhur këtu për t’u lutur dhe po shohim se ka shumë lumturi këtu në Dubai”, tha një vizitor i quajtur Mouhamed Abdellatif.
Dubai ka balancuar gjithmonë modernitetin me traditën. Ky projekt nxjerr në pah sesi qyteti përqafon inovacionin pa i humbur rrënjët e tij kulturore.
