“Zhgënjimi i sotëm mund të jetë motivimi i së nesërmes”. Kështu ka reaguar Angela Lee Motta, bashkëshortja e Thiago Mottës, vetëm pak minuta pas lajmit për shkarkimin e tij nga Juventusi. Mesazhi, i shkruar në portugalisht, është publikuar në një “story” në Instagram dhe duket qartë se është drejtuar për trajnerin italo-brazilian.
Një mesazh motivues për të shprehur mbështetjen ndaj bashkëshortit, i cili sapo është shkarkuar nga Juventusi: “Zhgënjimi i sotëm mund të jetë bekimi i së nesërmes. Jeta gjithmonë vepron përmes riorientimeve”.
Më pas ajo vazhdon me fjalë inkurajuese: “Ajo që nuk realizohet sot, po të mëson, po të forcon dhe po të përgatit për atë që është me të vërtetë e jotja”.
Duke shprehur shpresë për të ardhmen, Angela e mbyll mesazhin e saj me një reflektim optimist: “Lejoje veten të jesh i trishtuar, por mos humb besimin në jetë dhe sigurinë për ditë më të mira, sepse pikërisht ato ditë do të të ndihmojnë të ecësh përpara dhe të mos dorëzohesh. Shumë gjëra të bukura të presin ende dhe do të jesh mirënjohës që ke besuar në veten tënde dhe në jetë”.
