Të shtunën vendi ynë do të vijojë të ndikohet nga kushte atmosferike të paqëndrueshme.
Moti parashikohet kryesisht i vranët, i shoqëruar me reshje shiu me intensitet të ulët në pjesën më të madhe të territorit. Në zonat qendrore reshjet do të jenë me intensitet deri mesatar dhe në formën e shtrëngatave afatshkurtra.
Pas orëve të pasdites, reshjet do të humbasin gradualisht territorin, duke u përqendruar kryesisht në veri të vendit, ku pritet të jenë me intensitet të ulët.
Era do të fryjë me drejtim verilindje – jugperëndim, me shpejtësi mesatare rreth 8 m/s, ndërsa në zonat luginore dhe përgjatë bregdetit mund të arrijë deri në 12 m/s.
Deti do të ketë valëzim të lehtë në Adriatik dhe Jon, me forcë 1–2 ballë.
Temperaturat do të variojnë nga minimale prej 5 gradësh deri në maksimale prej 20 gradësh në rang territori.
