Në Maliq po zhvillohet një mbledhje jashtë rradhe e Këshillit Bashkiak për të diskutuar situatën e krijuar nga përmbytjet. Në takim janë prezentë edhe fermerë të zonës, të cilët po kërkojnë përgjigje konkrete për dëmet e shkaktuara në prodhimet e tyre bujqësore.
“Kjo mbledhje jashtë rradhe siç e kemi kërkuar, duhet të dal në një vendim të Këshillit Bashkiak. Atë që shihni në gjithë opozitën e botës do e shihni në këtë këshill. Sot në do dëgjojmë banorët”, shprehen fermerët.
Sipas fermerëve, dëmet janë të mëdha dhe prekin një numër të konsiderueshëm të tokave bujqësore.
“Taksat tona paguhen. Pse nuk i ke lajmëruar të vijnë? Ti e di shumë mirë se në çfarë gjendje jetoj unë. Tani vetëm me polici hajde na nxirrni, sepse ne nuk ikim që këtu. Lajmëroni kë të doni, ne duam përgjigje konkrete se çrarë do të bëhet. Kam një muaj e gjysmë që ju kam lajmëruar, i keni matur edhe tokat. Ku janë dëmshpërblimet? Hë mo më kthe një përgjigje, ça më rri ashtu. Ça të rrimë si hunjë këtu? Po ça të recitojmë këtu ne tani? Ti po reciton tani. Ne e dimë sa hektarë të mbyllur janë. Na thoni edhe të dimë ne që të vazhdojmë me protesta”, tha fermeri Julian Guri.
Në përfundim të mbledhjes, pritet të vendoset për masat që do të ndërmerren për kompensimin e fermerëve të prekur.
