Pas ndeshjes së fundit të Liverpool-it në Premier League, ku Mohamed Salah kritikoi hapur trajnerin Arne Slot dhe vendimet e tij, klubi dhe trajneri kanë reaguar me një masë të fortë disiplinore.
Sipas gazetarit të njohur Fabrice Hawkins, sulmuesi egjiptian nuk do të udhëtojë për ndeshjen e Ligës së Kampionëve kundër Interit, e cila do të luhet të martën, më 8 dhjetor. Vendimi është marrë bashkërisht nga drejtuesit e klubit dhe trajneri Slot.
Më herët u raportua se Salah ishte i irrituar dhe i zhgënjyer me trajnerin, gjë që e bëri të qartë edhe në deklaratat e tij pas ndeshjes. Situata tashmë është tensionuar dhe një largim i mundshëm i egjiptianit në merkaton e dimrit po bëhet gjithnjë e më i besueshëm.
