Tirane- Me 75 vota pro, zero abstenim dhe 40 kundër kuvendi miratoi sot në parim pr/buxhetin për vitin 2025, duke i dhënë fund debatit dhe diskutimeve që zgjatën për gati 23 orë.
Në emër të grupeve mbajtën fjalën, Shpëtim Idrizi, Eduard Shalsi dhe Jorida Tabaku. 116 deputetë ishin prezentë.
822.7 miliardë lekë, ose rreth 8.2 mld euro, shpenzime të planifikuara për vitin 2025, do të shpenzohen për paga, investime, mbrojtje sociale, rindërtimin, interesa borxhi, fonde rezervë, për pushtetin vendor, ndihma ekonomike, kompensime dhe skema të tjera deri tek bujqësia.
Referuar relacionit të projektbuxhetit afro 1/3 e totalit të shpenzimeve shkon për mbrojtjen sociale, sigurimet shoqërore, skemën e pensioneve, për ndihmën ekonomike, pagesa e papunësisë apo kompensimi ish-pronarëve me në total 291.9 miliardë lekë, ose rreth 3 mld euro.
Kështu në orën 20:30 u mbyll seanca maratonë dy ditore e diskutimeve të buxhetit.
