Milani hedh sytë nga Premier League. Klubi kuqezi po ndjek Noni Madueke nga Chelsea, të cilin e ka studiuar prej disa muajsh.
23-vjeçari anglez konsiderohet një opsion fantastik për repartin e sulmit të “Djallit”. Ai ka performuar mirë në këtë sezon në Londër.
Shpejtësia dhe driblimi janë dy cilësitë e tij që i kanë pëlqyer Milanit. Klubi italian kërkon ta huazojë me të drejtë blerjeje, sepse nuk do të rriskojë financiarisht.
Megjithatë, Chelsea kërkon një transferim të plotë, gjë që për Milanin për momentin nuk konsiderohet skenari ideal. Bisedimet pritet të kenë zhvillime të tjera në vijim.
