Lionel Messi ka dhuruar 80 mijë euro për rindërtimin e rajonit Sierra Oeste të Madridit, i goditur rëndë nga zjarret.
Lajmi u bë i ditur nga presidentja e rajonit të Madridit, Isabel Díaz Ayuso, e cila falënderoi yllin argjentinas për gjestin e solidaritetit.
“Banorët e Madridit mezi presin ta mirëpresin përsëri dhe t’i japin duartrokitjet që meriton”, shkroi Ayuso.
Fondet do të përdoren për rikuperimin e infrastrukturës, zonave natyrore dhe aktiviteteve ekonomike në bashkitë e prekura nga zjarri.
