Ka përfunduar në një histori sentimentale ngjarje e ndodhur mesditën e djeshme, ku nëna e Daniel Shimës ish-nëndrejtorit të AKSHI-t, shkoi në ambjentet e komisariatit Nr.1, duke raportuar humbjen e djalit.
Fillimisht e ëma ka shfaqur interes në polici për çfarë e kishin arrestuar të birin, pasi vetë ky i fundit kishte telefonuar duke u shprehur se: “…po e arrestonin…”.
Por në polici kanë mësuar se Daniel Shima, nuk ishte arrestuar në asnjë komisariat të Tiranës dhe Shqipërisë.
Pas kësaj situate e ëma e Daniel Shimës ka bërë kallëzim në ambjentet e komisariatit Nr.1 në Tiranë, duke çuar policinë në nisjen e verifikimeve në pistën e largimit nga banesa, me qëllim gjetjen e këtij personi.
Pista e parë ku policia u përqëndrua për gjetjen e Daniel Shimës, nuk ishte ajo e detyrës së mbajtur disa kohë më parë tek AKSHI, por tek një histori divorci që i riu ka pasur me bashkëshorten e tij.
Shima kohët e fundit ishte divorcuar me gruan dhe paralelisht në këtë periudhë paralelisht kishte nisur një histori dashurie me një grua tjetër me incialet E.H.
Për shkak të nisjes së problemeve të bashkëjetesës edhe me këtë të fundit, ai mësohet të jetë larguar nga banesa, duke inskenuar një situatë tek familjarët e tij sikur e kishin arrestuar duke u zhdukur pa gjurmë për disa orë.
Në orët e vona të mesnatës Daniel Shima është paraqitur vetë në ambjentet e komisariatit Nr.1 në Tiranë duke dhënë shpjegime rreth arsyes së largimit nga banesa.
Pas kryerjes së veprimeve proceduriale, Shima është kthyer në banesës e nënës së tij./oranews
