Një xhami është përfshirë nga flakët në Shupenzë të Bulqizës, mëngjesin e kësaj të premteje, duke shkaktuar shkrumbimin e një pjese të madhe të objektit fetar.
Sipas informacioneve të para, zjarri ka shpërthyer rreth orës 06:00, vetëm 10 minuta pas largimit të hoxhës nga xhamia.
Pavarësisht përpjekjeve të shërbimit zjarrfikës, flakët kanë qenë të pamundura për t’u shuar dhe kanë shkaktuar dëme të konsiderueshme materiale.
Aktualisht, në vendngjarje janë policia dhe grupi hetimor. Ende nuk dihet nëse zjarri ka qenë aksidental apo i qëllimshëm, ndërsa pritet një ekspertizë për të përcaktuar origjinën e flakëve.
