Pas ndarjes nga partneri i saj prej 8 vitesh, Krenar Çoçaj, moderatorja Luana Vjollca u përfol për një lidhje të re me biznesmenin Drilon Xhepa. Thashethemet nisën pasi të dy postuan story në vende të ngjashme pranë Kullës Eiffel, duke lënë të kuptohej se ndodheshin bashkë. Driloni, i njohur në rrethet elitare të Tiranës si një pasanik me profil të ulët, nuk kishte komentuar publikisht, por gjurmët në rrjete sociale i bënë ndjekësit të aludonin për një histori të re dashurie.
Megjithatë, duket se lidhja ka qenë e shkurtër. Së fundmi, Luana dhe Driloni nuk ndiqen më në rrjetet sociale, dhe ai ka larguar një pjesë të madhe të miqve nga profili i tij, duke ndjekur aktualisht vetëm 3 persona. Kjo lë të kuptohet se lidhja mund të ketë marrë fund pa shumë zhurmë.
Lidhja me Xhepën erdhi pas përfundimit të një historie të gjatë dhe të vështirë me Krenarin, me të cilin Luana kishte pasur një raport me ulje-ngritje, shpesh të karakterizuar nga xhelozia. Kënga e saj e fundit, e ndjerë dhe personale, duket se pasqyron pikërisht fundin e kësaj romance të gjatë.
Në një deklaratë të bërë së fundmi në emisionin e saj “Ferma VIP”, Luana u shpreh me vetëbesim: “Mua njëherë të më provosh, gjithmonë do të më kërkosh”, duke sqaruar më pas se fliste për veten si moderatore — një deklaratë që u prit me të qeshura dhe duartrokitje në studio.
