Kupa e Botës 2026 nisi zyrtarisht në stadiumin “Azteca”, me përballjen hapëse mes Meksikës dhe Afrikës së Jugut. Vendasit e nisën turneun në mënyrën më të mirë, duke fituar 2-0.
Julián Quiñones zhbllokoi rezultatin që në minutat e para, duke shënuar golin e parë të këtij Botërori. Në pjesën e dytë, Raúl Jiménez dyfishoi avantazhin me kokë pas një krosimi të saktë nga Alvarado.
Ndeshja u shoqërua edhe me tension, pasi Afrika e Jugut mbeti me dy lojtarë më pak pas kartonëve të kuq, ndërsa në fund edhe Meksika u ndëshkua me të kuq për një ndërhyrje të ashpër të César Montes.
Me këtë fitore, Meksika merr tri pikët e para dhe e nis me entuziazëm aventurën në Botërorin 2026.
