Pas lajmeve për arrestimin e Noizyt në Zvicër, Stresi hodhi dyshime se pas ngjarjes mund të qëndrojë Medi Iseni, me të cilin kishte pasur një përplasje më parë.
Mirëpo, reagimi i Medit nuk vonoi. Përmes një postimi të ashpër në rrjetet sociale, ai e akuzoi Stresin për pabesi dhe e rikujtoi incidentin në një diskotekë, të cilin e përshkroi si një sulm të organizuar, ku sipas tij, ishte tradhtuar.
“Prita ka vra më burra se unë. Zoti është i madh, vonon, por nuk harron,” shkroi ai, duke lënë të kuptohet se pret drejtësi.
Gjithashtu, Medi shtoi se fshirja e disa materialeve nga rrjeti është dëshmi se gjithçka ka qenë e planifikuar. Ndërkohë, autoritetet zvicerane po vazhdojnë hetimet për rastin.
