Zona jashtë restorantit “61”, në rrugën José Abascal, ishte më e zhurmshme se zakonisht mbrëmë, edhe pse ishte e martë dhe ora shkonte vonë. Arsyeja? Brenda po zhvillohej një takim i rëndësishëm: darka e skuadrës së Real Madrid.
Në takim nuk mori pjesë stafi teknik, por ishin të pranishëm të gjithë lojtarët. Mesazhi është i qartë: unitet i plotë në dhomën e zhveshjes, për t’u përgatitur dhe luftuar së bashku për pjesën e mbetur të sezonit, me garën për titull ende të hapur dhe me një ndeshje të rëndësishme në horizont.
Skuadra vendosi ta bëjë darkën publike përmes rrjeteve sociale. Vinicius ishte i pari që postoi, i ndjekur nga Ceballos, Carvajal, Militao, Rodrygo dhe të tjerë. Në pamje të parë mund të duken postime të thjeshta, por qëllimi duket i qartë: të dërgohet një sinjal te tifozët e Realit, të cilët kanë shfaqur pakënaqësi në momente të ndryshme këtë sezon — dhe ndoshta edhe te rivalët.
Detaj interesant: raportohet se Mbappé dhe Vinicius i ftuan shokët e ekipit dhe mbuluan faturën. Takimi zgjati deri në orët e para të mëngjesit: Mbappé dhe Courtois u larguan rreth 01:45, ndërsa i fundit ishte Raúl Asencio, rreth 03:00, duke përsëritur idenë kryesore që po qarkullon: “Ishim miq, jemi shumë të bashkuar.”
