Në një postim prekës në rrjete sociale, këngëtarja Xhensila Myrtezaj ka ndarë fjalët më të thella që një nënë mund t’i drejtojë fëmijës së saj. Me një imazh, plot dashuri dhe mirënjohje ndaj Zotit, ajo i ka kushtuar djalit të saj Amen një letër që tejkalon fjalët e zakonshme! Një rrëfim i ndjeshëm për lindjen e dritës, forcës dhe kuptimit në jetën e saj.
“Amen, ti, bebe e bekuar, që solle dritë në jetën time, solle forcë aty ku mendoja se s’kishte asnjë,” shkruan ajo, duke e përshkruar djalin si engjëllin që “shuan çdo errësirë” dhe që i tregoi se dashuria është më e fuqishme se çdo mundim.
Në tekstin e gjatë, Xhensila përshkruan mënyrën se si çdo hap i Amenit është një bekim për botën, një dritë që i jep kuptim çdo dite. “Më shpëtove jetën, my savior, shpëtimtari im,” shprehet ajo me emocione të dukshme, duke treguar lidhjen e thellë shpirtërore me të birin.
Ajo i drejtohet me një urim të ëmbël, por edhe me këshilla për të ardhmen: ta dojë veten, ta dojë gjakun e tij dhe të dojë çdo njeri, pavarësisht nëse e meriton apo jo. Në fund, këngëtarja e mbyll dedikimin me një urim që rrëqeth:
“Gëzuar ditëlindjen, engjëlli im, shpirti im i ndritshëm. Të dua me një dashuri që është më e fortë se çdo dhimbje. Unë gjithmonë do të jem këtu për ty, me zemrën time të hapur dhe pa kushte. Mama Sila.”
Ky postim, i shoqëruar me një video të butë, përçon ndjenjat e një nëne që falënderon Zotin për mrekullinë që i ka dhuruar dhe e shndërron momentin në një poezi dashurie, dritë dhe besimi.
