Ka përfunduar sot sezoni 2024-2025 në Premier League. Duke qenë se çështja e titullit ishte e mbyllur prej javësh, sot vëmendja ishte te gara për zonën e Champions League.
Premier League do të dërgojë 6 ekipe sezonin e ri në Champions League, 5 vendet e para dhe Tottenham që shkon automatikisht si fituesi i Europa League.
Liverpool, Arsenal, Manchester City, Chelsea dhe Newcastle, renditen në 5 vendet e para dhe shkojnë në Champions League. Aston Villa duhet të kënaqet me pjesëmarrjen në grupet e Europa League pasi u rendit i gjashti, ndërsa Nottingham Forest në Conference League, pasi u rendit në vendin e shtatë.
Përsa i përket rezultateve të ndeshjeve kryesore sot: Fulham-City 0-2 (Supergol i Gundogan 21′, Haaland nga penalltia 71′), Man. United-Aston Villa 2-0 (Diallo 76′, Eriksen 87′ me penallti), Nottingham Forest-Chelsea 0-1 (Colwill 50′), Newcastle-Everton 0-1, Liverpool-Crystal Palace 1-1 (Sarr 9′, Salah 85′) Southampton-Arsenal 1-2 (Kieran Tierney 43′, Odegaard 90′, Stewart 56′).
Tre ekipet që sezonin e ri do luajnë në Championship: Ipswich, Leicester dhe Southampton. Tre ekipet që janë ngjitur në Premier League janë: Leeds, Burnley dhe Sunderland.
