Procesi i votimit për qytetarët e Diasporës në zgjedhjet e Kosovës ka përfunduar. Sipas të dhënave të Komisionit Qendror të Zgjedhjeve (KQZ), nga 20 324 votues të regjistruar për të votuar në përfaqësitë diplomatike, kanë ushtruar të drejtën e tyre të votës 14 463 qytetarë. Këto shifra nuk përfshijnë ende votimet nga qendrat në Uashington, Otava, Toronto dhe Nju Jork.
Në total, për këto zgjedhje ishin regjistruar 105 mijë qytetarë nga Diaspora, prej të cilëve 85 mijë kishin të drejtë të votonin online, ndërsa 20 324 u mundësua të votonin fizikisht në konsullatat dhe ambasadat e Kosovës.
Ndërkohë, nesër (e diel, 9 shkurt), qytetarët që jetojnë në Kosovë do të kenë mundësinë të votojnë nga ora 07:00 deri në 19:00 për të zgjedhur përfaqësuesit e tyre për mandatin e ardhshëm katërvjeçar.
