Materialet zgjedhore kanë mbërritur sot në Komisionin Zonal të Administrimit Zgjedhor (KZAZ) nr. 91 në Sarandë, nën masa të rrepta sigurie. Sipas burimeve, procesi është ndjekur nga forcat e policisë dhe është shoqëruar nga mjete të ushtrisë për të garantuar sigurinë maksimale gjatë transportit.
Pas mbërritjes, policia do të qëndrojë në gatishmëri të plotë për ruajtjen e materialeve zgjedhore, në përputhje me oraret dhe udhëzimet e përcaktuara nga autoritetet përkatëse, deri në momentin kur ato do të shpërndahen në qendrat e votimit.
Sipas legjislacionit në fuqi, shpërndarja e materialeve pritet të nisë të shtunën. KZAZ nr. 91 është tashmë funksionale, me komisionin e saj të ngritur, i cili përbëhet nga Kryetari i Partisë Demokratike, shtatë anëtarë dhe sekretari.
Ky komision mbulon gjithsej 53 qendra votimi: 35 prej tyre ndodhen në qytetin e Sarandës, 8 në Njësinë Administrative Ksamil dhe 10 në zonat përreth bashkisë.
