Franca e nisi Botërorin 2026 me fitore 3-1 ndaj Senegalit në Grupin I, falë një reagimi të fortë në pjesën e dytë dhe një performance vendimtare nga Kylian Mbappé.
Skuadra e Didier Deschamps zhvilloi një pjesë të parë të dobët, pa shumë ide në sulm dhe me vështirësi për të gjetur hapësira ndaj një Senegali të organizuar mirë. Afrikanët patën edhe rastin më të pastër të fraksionit të parë, kur goditja e Nico Jackson u ndal nga shtylla.
Pas pushimit, Franca ndryshoi ritmin. Olise mori më shumë rol në qendër dhe në minutën e 66-të dha pasimin vendimtar për Mbappén, i cili u shfaq i vetëm përballë Mendy dhe zhbllokoi rezultatin.
Në fund të ndeshjes, Barcola, i futur nga stoli, shënoi golin e dytë për Francën pas një aksioni të shpejtë dhe një pasimi nga Rabiot.
Senegali rihapi përkohësisht sfidën në minutat shtesë, kur Mbaye përfitoi nga një gabim i rëndë i Maignan dhe ngushtoi rezultatin në 2-1. Por gëzimi afrikan zgjati pak, pasi Mbappé u përgjigj menjëherë me një goditje të bukur nga jashtë zone, duke vulosur fitoren 3-1.
Me këtë dygolësh, ylli i Real Madrid bëhet golashënuesi më i mirë në historinë e Francës, duke kaluar Olivier Giroud.
Pas nisjeve jo bindëse të Brazilit dhe Spanjës, Franca jep sinjalin e parë të fortë në këtë Botëror dhe konfirmon statusin e saj si një nga favoritet kryesore për trofeun.
