Bilanci i masakrës në Malin e Zi ka arritur në 13 viktima, ndërsa autori i dyshuar, Aco Martinoviç, ka kryer vetëvrasje ditë më parë.
Dejan Kokotoviç nga Cetinja ka ndërruar jetë sot në Qendrën Klinike në Podgoricë si pasojë e lëndimeve të rënda që i kishte marrë në tragjedinë e 1 janarit, raporton Vijesti.
Kjo është viktima e 13-të e sulmit të Aco Martinoviçit, i cili në ditën e parë të janarit vrau 12 persona për rreth gjysmë ore, mes tyre dy fëmijë, dy vëllezër e motra.
Kokotoviç kishte marrë plagë në kokë, stomak dhe gjoks.
“Me keqardhje ju njoftojmë se pacienti KD (1985), i shtruar në Qendrën Klinike të Malit të Zi për shkak të lëndimeve të marra në një ngjarje tragjike në Kryeqytetin e Cetinjës, ka ndërruar jetë. Për shkak të dëmtimeve të rënda, pacienti iu nënshtrua procedurave të kërkuara kirurgjikale. Para 48 orëve, pacienti ka shfaqur shenja të shërimit të lehtë, por pas kësaj ka pasur përkeqësim të gjendjes së përgjithshme dhe komplikime që kanë çuar në një përfundim të padëshiruar”, thuhet në njoftimin e QKKG.
