Zëvendëspresidenti i SHBA-së, J.D. Vance, tha sot se qeveria amerikane do të arrijë një marrëveshje me TikTok para afatit të 5 prillit.
Vance vuri në dukje se marrëveshja do të përfundojë përpara afatit.
“Mendoj se jemi në një pozicion të mirë. Ne do të vazhdojmë të punojmë për këtë çështje. Kemi disa ditë për të punuar për këtë, për të finalizuar disa gjëra dhe sigurisht që presidenti do të shpallë vendimet tona”, tha Vance.
Lista e blerësve të mundshëm për TikTok në Shtetet e Bashkuara, të përfolur dhe të konfirmuar, është zgjeruar ndjeshëm në njëzet e katër orët e fundit, me afrimin e afatit për ndalimin e platformës kineze, nëse ajo nuk blihet.
Zyrtarët amerikanë kanë ngritur shqetësime për sigurinë në lidhje me marrëdhëniet e aplikacionit online me Pekinin, të cilat si TikTok ashtu edhe kompania mëmë ByteDance e kanë mohuar.
