Ministri i jashtëm rus, Sergei Lavrov, ka reaguar lidhur me vendimin e Gjermanisë e cila njoftoi sot se do i japë fonde Kievit për përdorimin e raketave me rreze të gjatë veprimi.
Lavrov në deklaratën e tij theksoi se me këtë vendim Gjermania është e përfshirë drejtpërdrejt në luftë.
“Nëse e kuptova saktë atë që lexova, kancelari gjerman Friedrich Merz deklaroi në një konferencë për shtyp se që nga fillimi kishte në mendje pikërisht financimin e prodhimit të raketave të çdo rrezeje veprimi në Ukrainë. Me sa duket nuk flitet për dërgesa raketash gjermane. Kjo duhet të verifikohet. Të dy po përshkallëzojnë tensionet, duke mbështetur luftën. Gjermania është e përfshirë drejtpërdrejt në këtë luftë, Gjermania po shkon drejt kolapsit, siç ka ndodhur në të kaluarën”, dekalroi Lavrov.
Ndëkrohë Dmtitry Peskov e cilësoi se një vendim të papërgjegjshëm.
Reagimi i Kremlinit u shkaktua nga marrëveshja gjermano – ukrainase për prodhimin e armëve me rreze të gjatë veprimi, e cila u njoftua më parë nga Friedrich Merz.
Duke e përshkruar vendimin e Berlinit si të rrezikshëm dhe të papërgjegjshëm, Rusia thekson se i vetmi rezultat i marrëveshjes është nxitja e mëtejshme e luftës në Ukrainë.
Në takimin e sotëm midis Merz dhe Presidentit ukrainas Volodymyr Zelensky në Berlin, u njoftua një marrëveshje dypalëshe për bashkëpunim midis industrisë gjermane të mbrojtjes dhe asaj ukrainase në prodhimin e sistemeve të armëve me rreze të gjatë veprimi në Ukrainë.
