Ish-mesfushori i Juventus-it, Claudio Marchisio, ka folur për situatën e Juventus-it në një intervistë të dhënë për Sky Sport:
“Pres një ndeshje të hapur mes Juventus-it dhe Roma-s, me një dëshirë të madhe nga ana e bardhezinjve për të fituar.
“Ka patur një ndryshim të trajnerit dhe një skuadër e madhe si Juventus nuk mund të kënaqet me barazimin, Tudor e di mirë”.
Nga 8 juaj te 8 e Koopmeiners: si e gjykoni momentin e Koopmeiners?
“Besoj se nuk është e lehtë të menaxhohet një lojtar në vështirësi, por këto janë situata që vetëm trajneri dhe Koopmeiners i jetojnë çdo ditë. Uroj që lojtari të gjejë formën më të mirë fizike dhe mendore.
“Tek Atalanta ka treguar cilësinë e tij, këtë vit është në vështirësi dhe nuk ka sjellë rezultatet e pritura, por shumë nuk e kanë bërë këtë, jo vetëm ai. Shpresoj që Teun dhe e gjithë Juvja të ndërmarrin shpejt një rrugë fituese”.
