Çështja e trajnerit të ri të kombëtares italiane mbetet ende e hapur, me disa emra që po qarkullojnë për stolin e “Të Kaltërve”.
Mes kandidatëve janë përmendur Pep Guardiola, Antonio Conte, Andrea Pirlo dhe Roberto Mancini. Megjithatë, ish-trajneri i Italisë ka mohuar se ka pasur kontakte me drejtuesit e Federatës Italiane të Futbollit.
“Nuk ka pasur asnjë kontakt”, deklaroi Mancini përpara finales së futbollit 5×5 për mbi 60-vjeçarë në Kupën Canottieri, ku luajti në të njëjtën skuadër me presidentin e ri të federatës, Giovanni Malagò.
I pyetur sërish për të ardhmen e tij, Mancini shmangu komentet e mëtejshme: “Jemi të përqendruar te finalja e sotme”.
Ndërkohë, drejtuesit e futbollit italian pritet të takohen me klubet e Serie A për të diskutuar kandidatin që do të marrë përsipër rindërtimin e kombëtares.
